Երբ նայում ես Հայաստանը լքելու տարբերակը, պետք է մի բան հաշվի առնես՝ պատմականորեն հազարավոր տարիներ քո նախնիները այս տանջանքների, հալածանքների միջով եկել գենը հասցրել են քեզ, ամենա ոչ ձեռնտու ազգն ես եղել տարածաշրջանի, բայց գենը հասցրել են քեզ, որ հենց քո վրա կտրվի՞։ Այս մասին հայտարարել է «Ուժեղ Հայաստան» կուսակցության համակարգող Նարեկ Կարապետյանը։
Դիտարկմանը, որ հենց մեր օրոք է ծնվել Նիկոլ Փաշինյան, ով հայտարարում է, որ չի եղել մի ժամանակաշրջան, որ հայերը 90 տոկոս կազմեն՝ Կարապետյանն արձագանքեց՝ նշելով․ «Երբ ասում էինք, որ ուզում է Հայաստան օտարազգիներ բերել՝ հարևան ազգի ներկայացուցիչներ, ասում էին՝ սուտ է։ Հիմա թեմա է բացում, թե միայնակ չենք ապրել։ Ինչպես կարող է մեկ մարդ փոխել բոլորիս ճակատագիր՝ վատ իմաստով, էլ մենք ինչի՞ համար ենք այստեղ։ Մենք պետք է փոխենք մեր ճակատագիրը, ինքը չպետք է որոշի, թե մենք ինչպես պետք է ապրենք»։
