«Սիրելի ժողովուրդ, կըրնանք չէ՞․ ինչպես Գյումրիում իշխանափոխություն արեցիք, այնպես էլ ամբողջ Հայաստանում անենք, այո, կըրնանք, վստահ եմ: Եթե այս ուժը՝ գործող իշխանությունը, պետությունը քանդող իշխանությունը, առաջ ինչ-որ պլաններ թաքցնում էր, հիմա ընտրության է գնացել շատ հստակ խոստումներով: Առաջին խոստումն ասում է՝ «վերընտրվեմ, եկեղեցին քանդելու եմ»։ Մենք թո՞ւյլ ենք տալու, որ նման իշխանություն վերընտրվի ու եկեղեցին քանդի: Ո՛չ, մենք պաշտպանելու ենք մեր եկեղեցին: Այս իշխանությունը գալիս է հետևյալ խոստումով, որ գալու են և նոր տարածքներ են հանձնելու: Կարծես հերիք չէին այն տարածքները, որ հանձնել են: Մենք թույլ պիտի տա՞նք, որ նոր տարածքներ հանձնվեն: Իհարկե՝ ո՛չ: Հաջորդ խոստումն ասում է՝ գանք, սահմանադրություն ենք փոխելու, Անկախության հռչակագիրն ենք հանելու: Մենք թույլ պիտի տա՞նք, որ ոտնատակ տրվի մեր պետության ծննդյան վկայականը. իհարկե՝ ո՛չ: Եվ հետևաբար՝ մենք հունիսի 7-ին ճակատագրական ընտրության առջև ենք կանգնած, և ես վստահ եմ, որ մենք տեր ենք կանգնելու մեր եկեղեցուն, մեր հավատքին ու մեր սահմանադրությանը»,— այս մասին Գյումրիում «Հայաստան» դաշինքի հանրահավաքի ժամանակ ասաց պատգամավոր Աննա Գրիգորյանը։

Մանրամասն՝ տեսանյութում։