Ի դեպ, այս իշխանությունը շարունակաբար բոլոր հարթակներից խոսում է խաղաղության դարաշրջանի մասին, ասում, թե խաղաղություն է բերել և ավելին՝ առաջիկա ընտրությունները լինելու են խաղաղության մասին։ Ըստ Նիկոլ Փաշինյանի, իրենք խաղաղություն բերողներն են, ընդդիմությունը՝ հակառակը։
Երեկ ՀՀ երկրորդ նախագահ Ռոբերտ Քոչարյանը ասուլիսի ընթացքում ուշագրավ արձանագրում է արել՝ նախկինում խաղաղությունից չէին խոսում, որովհետև խաղաղություն էր։
Երկրորդ նախագահը հիշում է իր կառավարման շրջանը, որը եղել է Հայաստանի երրորդ հանրապետության ամենախաղաղ փուլը։ Ըստ երկրորդ նախագահի՝ խաղաղությունից կարող է խոսել ընդդիմությունը, Փաշինյանը՝ երբեք, որովհետև 7 տարվա իշխանության ընթացքում Փաշինյանը բերել է 3 պատերազմ։
Բայց երկրորդ նախագահը նաև նշում է, որ Նիկոլ Փաշինյանը չունի ընտրություններին ներկայանալու որևէ թեզ, որևէ խոստում, որովհետևմինչ այս տված բոլոր խոստումները տապալել է։
