Ի դեպ, ՀԷՑ-ի ժամանակավոր կառավարիչ նշանակված ՔՊ-ական Ռոմանոս Պետրոսյանը ֆեյսբուքյան էջում հայտարարեց, թե 8 տարվա ընթացքում էլեկտրաէներգիայի սակագինը բարձրացել է, որովհետև ՀԵՑ-ի տնօրենների խորհրդի նախագահի տեղակալն այդ 8 տարվա ընթացքում մոտ 400 մլն դրամ աշխատավարձ է ստացել։
Պատասխան հրապարակումով ՀԵՑ վերահսկողական կոմիտեն հերքեց այն փաստը, որ Տնօրենների խորհրդի աշխատավարձը որևիցե կերպ ազդում է սակագնի վրա, քանի որ այն տալիս է սեփականատեր Սամվել Կարապետյանն իր գրպանից։
Մեկ այլ հրապարակմամբ ՀԵՑ վերահսկողական կոմիտեն բացահայտեց, որ Ռոմանոս Պետրոսյանը ամսական ստանում է 5 մլն 200 հազար դրամ, տարեկան 62 մլն 400 հազար դրամ։
Իսկ հիմա, ինչպես կասեր Պետրոսյանը, զուտ փաստեր․
62 մլն 400 հազարը բազմապատկած 8-ի, հավասար է 499 մլն 200 հազար։ Այսինքն, եթե Ռոմանոս Պետրոսյանը մնա իր պաշտոնին 8 տարի, կստանա մոտ 500 մլն դրամ, շուրջ 100 մլնով շատ քան տնօրենների խորհրդի նախագահը։
Փաստորեն, Ռոմանոս Պետրոսյանը հրապարակում էր արել ՀԵՑ-ի ոչ ՔՊ-ական ղեկավարությանը վարկաբեկելու նպատակով, իսկ արդյունքում պարզվեց, որ ինքը ոչ միայն ավելի շատ է ստանում, այլև անգամ տեղյակ չէ ՀԵՑ-ի տնօրենների խորհրդի աշխատավարձի աղբյուրից ու սակագնի վրա ազդել-չազդելուց։
Հարց, Ռոմանոս Պետրոսյանի՝ ՀԵՑ-ում ամենաբարձր աշխատավարձը, որքանո՞վ է ազդելու սակագնի վրա։
