«Անկեղծ ասած՝ մի փոքր սյուռ իրավիճակ է, որովհետև Հայաստանը, պատկերավոր ասած, ԵԱՏՄ-ից դուրս գալուց հինգ է պակաս։ Քաղաքական մակարդակում ԵԱՏՄ-ի վերաբերյալ այնպիսի հայտարարություններ են հնչում, ընդհուպ մինչև այն, որ արտահանման հետ կապված տնտեսական վնասները ներկայացվում են ոչ թե որպես Հայաստանի, այլ ԵԱՏՄ-ի խնդիր։
Այդուհանդերձ, ինչո՞վ եք պայմանավորում այս համաձայնագրի անհրաժեշտությունը, անդամ երկրներից քանի՞սն են այն վավերացրել։
Եվ առհասարակ ԵԱՏՄ-ի մասով կարո՞ղ եք վերջապես ներկայացնել ձեր դիրքորոշումը՝ որպես էկոնոմիկայի փոխնախարար։ Քաղաքական բոլոր հայտարարություններին ծանոթ ենք, ձեր անմիջական ղեկավարն էլ բավականին քաղաքական ֆիգուր է։ Բայց զուտ տնտեսական հաշվարկների տեսանկյունից՝ ի՞նչ տեղի կունենա Հայաստանի տնտեսության հետ, եթե պայմանականորեն պատկերացնենք մի իրավիճակ, երբ Հայաստանը դուրս գա ԵԱՏՄ-ից կամ Հայաստանին հանեն ԵԱՏՄ-ից։
Մենք ունե՞նք ԵԱՏՄ-ին այլընտրանք։ Եվրոպական շուկան կարո՞ղ է դառնալ այդ այլընտրանքը»,- այս հարցն է ուղղել էկոնոմիկայի փոխնախարարին ԱԺ «Հայաստան» խմբակցության պատգամավոր Ագնեսա Խամոյանը։
Մանրամասն՝ տեսանյութում։
