«Մեր երկրում աղքատությունը 600 000 մարդու դռանն է կանգնած: Մեր երկրում վերջին ութ տարվա ընթացքում աղքատությունը, վերջին ցուցանիշներով (մինչև 2024 թիվը), իջել էր ընդամենը 2-3%, երբ երկիրը վերցրել էր 7-ից 8 միլիարդ դոլարի նոր վարկ:
Շատերը կասեն. «Դիտարկեք ՀՆԱ-ն», այսինքն՝ երկրի ընդհանուր հարստության հետ համեմատությունը: Սիրելի հայրենակիցներ, չգիտեմ՝ տնտեսագետները պետք է ձեզ ներկայացրած լինեն, թե մեր հայրենակիցները, ովքեր մեզ լսում են, բայց ես կներկայացնեմ ձեզ:
Տեսեք՝ ինչ իրավիճակ է Հայաստանում. վերջին տարիների ընթացքում Հայաստանում ՀՆԱ-ի աճը կազմել է 5 տրիլիոն դրամ: Մեծ թիվ է, չէ՞: Իսկ գիտե՞ք՝ ինչից է կազմված ՀՆԱ-ի աճը: Եկե՛ք նայենք, թե ՀՆԱ-ի աճի մեջ ինչքան տոկոս ազդեցություն ունի պետական պարտքը: 5 տրիլիոնից 2.5 տրիլիոնը պետական պարտքն է: Այսինքն՝ մենք ինչքան որ աճել ենք, դրա կեսը պետական պարտքն է:
Կասեք. «Բա մյուս կե՞սն էլ ենք աճել չէ»։ Իսկ գիտե՞ք՝ մյուս կեսն ինչն է. ցավոք, եթե նայեք վարկերի թիվը, մեր հանրապետության քաղաքացիների 2.5 տրիլիոնն էլ վարկերի աճն է: Այսինքն՝ եթե սպառողական վարկերը 2018 թվականին 700 միլիարդ էին, հիմա տրիլիոնով վարկ կա կախված մեր ժողովրդի վրա»,- այս մասին ԱԺ իր ելույթում ասաց «Ուժեղ Հայաստան» խմբակցության պատգամավոր Նարեկ Կարապետյանը։
Մանրամասն՝ տեսանյութում։
