«Ասում եք՝ ի՞նչ գիտեք, որ «Քաղաքացիական պայմանագրին» չեն գաղտնալսել։ Եթե այդպես է, ինչո՞ւ հրապարակում չեղավ, և բոլոր հրապարակումներն ընդդիմությանն են վերաբերում»,- արդարադատության նախարարին հարց ուղղեց լրագրողը։ Սրբուհի Գալյանը պատասխանեց․ «Հիպոթետիկ հարց է։ Ես չգիտեմ՝ գաղտնալսել են, թե ոչ, դուք չգիտեք՝ լսել են, թե ոչ, բայց արդյունքը ցույց է տալիս, որ նույնսկ եթե գաղտնալսել են, որևէ հանցավոր երևույթի չեն բախվել, հետևաբար՝ հանրությունը չի տեղեկացվել դրա մասին։ Ես չասացի՝ լսել են կամ չեն լսել, ես ասացի՝ ի՞նչ գիտեք՝ լսել են, թե չէ, որովհետև վարույթ իրականացնող մարմիններն իրենց ամենօրյա աշխատանքն են կատարում։ Օպերատիվ մարմինները հենց դրա համար են օպերատիվ, որ լիազորված են կատարել այնպիսի գործողություններ, որոնք հանրությունը չպետք է իմանա որոշակի փուլում։ Այսինքն՝ մինչև կոնկրետ գործողության արձանագրում»։

Գալյանը այլ հարցի չպատասխանեց՝ ասելով․ «Ներողություն եմ խնդրում, հիմա շտապում եմ հաց ուտելու»։

Հիշեցնենք՝ Սահմանադրական դատարանում շարունակվում է հունիսի 7-ի խորհրդարանական ընտրությունների արդյունքները վիճարկող դիմումների քննությունը։

Հիշեցնենք, որ ՍԴ դիմել էին ընտրությանը մասնակցող 18 քաղաքական ուժերից 7-ը՝ «Ուժեղ Հայաստան» և «Հայաստան» կուսակցությունների դաշինքները, «Բարգավաճ Հայաստան», «Միասնության թևեր», «Դեմոկրատիա Օրենք Կարգապահություն», «Հանուն Հանրապետության ժողովրդավարության պաշտպանների դաշինք» և «Նոր ուժ» կուսակցությունները, որոնցից վերջինը՝ «Նոր ուժ»-ը, իր դիրքորոշումներն ու փաստարկները ՍԴ-ում ներկայացնելուց հետո հրաժարվել է մասնակցել հետագա նիստերին։

Մանրամասն՝ տեսանյութում։