ՊՆ ռազմական ոստիկանության պետ, գեներալ-մայոր Աշոտ Զաքարյանին կփոխարինի նախկին ոստիկանապետ, գեներալ-մայոր Արամ Հովհաննիսյանը: Գրում է «Ֆակտոր»-ը։ Աղբյուրի հետ հեռախոսազրույցում Հովհաննիսյանը չի հերքել տեղեկությունը` հորդորելով սպասել: «Վաղը առավոտյան խոսենք, այս պահին որևէ բան ասել չեմ կարող»:
Հիշեցնենք, որ Արամ Հովհաննիսյանը ոստիկանապետի պաշտոնից վարչապետի որոշմամբ ազատվել էր 2025-ի հունիսին: Թե որն էր պատճառը, Արամ Հովհաննիսյանը չէր պարզաբանել: Այսօր էլ հստակ պատճառ չնշեց, միայն ասաց․ «Այդ պահին այդպես էր պետք, մի փոքր հանգստանալ էր պետք»: Հավելենք, որ Զաքարյանը ՊՆ ռազմական ոստիկանության պետի պաշտոնում նշանակվել էր 2020 թվականի օգոստոսի 6-ին:
