«Մեր ձևով» ժողովրդական շարժման համակարգող Նարեկ Կարապետյանն ու երիտասարդ տաղանդների աջակցության աշխատանքային խմբի համակարգող Գոհար Ղումաշյանը այցելել են բազմազավակ ընտանիքի։
Ընտանիքի հայրը՝ Գագիկը, պատմում է սոցիալական ծանր պայմանների, պատերազմի հետևանքների և տարիների ընթացքում կուտակված խնդիրների մասին։ Նրա խոսքով՝ պատերազմի ժամանակ կորցրել է ընկերների և որոշել, որ նրանց հիշատակը գոնե իր երեխաների անունով պահի։
«Ընտանիքի, սննդի, հագուստի հարցում մեզ ոչ ոք չի օգնում, ամեն ինչ մեր ուժերով ենք անում։ 90 000 դրամ եմ ստանում։ Այդ գումարով ինպ՞ս պահեմ երեխաներիս։ Ասում են լավ 250․000 դրամ ամսական կտանք, թող ստանա նախարարությունից։ Այդ գումարով հասցնում էի երկու պարկ ալյուր առնել, որ ամբողջ ամիս ուտեինք, 4-5 պարկ կարտոֆիլ էի պահեստավորում։ Կինս տանը հաց էր թխում, բայց այստեղ գազ չկա, ամեն ինչ հոսանքով ենք անում»,- ասում է Գագիկը։
Նրա խոսքով՝ նշված աջակցությունն ավելի ուշ դադարեցվել է։ «Այդ 250 000 դրամը կտրեցին։ Սկզբում պաշտոնապես իրենք էին տալիս, հետո ասացին՝ պղնձամոլիբդենն է տալու։ Սամվել Կարապետյանն ինձ ճանաչում է, այն ժամանակ եմ ծանոթացել նրա հետ։ Ապրիլյանի ժամանակ էլ մեր հոսանքի խնդիրն այսպես էր․ տունը մենք թխում էինք ամեն ինչը երեխեքին էինք օգնում։ 8 աշակերտ ունեի դպրոցական։ Խնդրել ենք որ մեր լույսը չանջատեն, չկտրեն, այդպես ասել են դու խնդիր չունես Գագիկ»։
Նշենք, որ այս ընտանիքն ունի 12 զավակ՝ 7 որդի և 5 դուստր։
