Հայ Առաքելական Սուրբ եկեղեցու դեմ խաչակրաց արշավանքը շարունակվում է: Այս մասին ԱԺ ճեպազրույցների ժամանակ հայտարարեց «Հայաստան» խմբակցության պատգամավոր Արթուր Խաչատրյանը՝ անդրադառնալով վարչապետ Փաշինյանի՝ հոգևորականի հասցեին արված հայհոյախառն ու վիրավորական գրառումներին:
«Ինչո՞ւ այդ գրառումը համընկավ այն միջազգային խորհրդաժողովի հետ, որը Մայր Աթոռի նախաձեռնությամբ կայանում է Շվեյցարիայում։ Ինչո՞ւ Ալեն Սիմոնյանի հայտնի հայտարարությունը համընկավ Արցախի Հանրապետության նախագահ ընտրելու հետ։ Ինչո՞ւ է Ադրբեջանը մայիսի 28-ին Հայաստանի սահմաններին անմիջական մոտակայքում բացում 3-րդ “միջազգային” օդանավակայանը։ Ինչո՞ւ Ադրբեջանը հայտարարեց, որ Խոզնավարում իրանք չեն կրակել։ Իսկ ո՞վ է կրակել հանգուցյալ Ալքսանդր Սերգեևիչ Պուշկինը՞։
Այս ամենը նշանակում է, որ Ադրբեջանը հիմքեր է նախապատրաստում ՀՀ-ի դեմ հերթական ագրեսիայի համար։ Իսկ Փաշինյանը և իր իշխանությունները փոխանակ հիմքեր ստեղծեն՝ պաշտպանելու ՀՀ-ն, մեղավորներ են փորձում կարգել»,- ասաց նա:
Մանրամասն՝ տեսանյութում։
