Հարավային Կովկասը միջազգային աջակցության կարիք ունի՝ խաղաղության օրակարգի տնտեսական օգուտները ստանալու համար, այդ թվում՝ «Զանգեզուրի միջանցքի» համատեղ կառուցումը և տարածաշրջանային կապը, Դոհայում կայացած միջազգային ֆորումում ասել է Ադրբեջանի նախագահի օգնական Հիքմեթ Հաջիևը։
Հաջիևը նշել է, որ ամերիկացի ընկերները ծառայել են որպես լիովին անկողմնակալ և ազնիվ միջնորդներ երկու կողմերի միջև և հանգեցրին վերջնական համաձայնությունների:
«Ընդունելով Միացյալ Նահանգների վճռորոշ դերը այս գործընթացում՝ ես ուզում եմ ընդգծել Ադրբեջանի և Հայաստանի միջև երկկողմ հարաբերությունների կարևորությունը։ Ե՛վ Ադրբեջանը, և՛ Հայաստանը հասկացել են, որ ամենից առաջ մեզ խաղաղություն է պետք։ Մենք պետք է ստեղծենք այս խաղաղությունը, հասնենք համաձայնության, ապա ներկայացնենք այն մեր միջազգային գործընկերներին։ Ներկայումս մենք շարունակում ենք Ադրբեջանի և Հայաստանի միջև խաղաղության կառուցման գործընթացը երկկողմանի հիմունքներով, ներառյալ՝ քաղաքացիական հասարակության ինստիտուտների մակարդակով համագործակցությունը: Այս մոտեցումը ապացուցել է իր արդյունավետությունը», — նշել է նա:
