Գորիսի կենտրոնական հատվածում, ոստիկանության դիմաց վթարված մեքենաների գերեզմանոց է դարձել։ Տևական ժամանակ է կայանված մեքենաները անհարմարություն են ստեղծում ոչ միայն երթևեկող ավտոմեքենաների այլև հետիոտների  համար ևս։ Վթարված մեքենաներով լցված են հարակից  փողոցները, մայթերն ու անգամ շենքերի բակերը։

Կայանված մեքենաներն ամենաշատը խնդիր են առաջացնում տարածքում գտնվող շենքի բնակիչների համար։ Թեև 50֊ից ավել բնակիչ ստորագրությամբ դիմել է համայնքապետարան, սակայն տեսախցիկի առջև հարցը բարձրացրեց միան Լևոն Արշակյանը։

Գորիսի ոստիկանապետ Կարեն Հովսեփյանը հեռախոսազրույցի ընթացքում նշեց, որ իրենք էլ են անհանգստացած խնդրով։ Նրա խոսքով հարցը քննարկել են նաև համայնքի ղեկավար Առուշ Առուշանյանի հետ։ Առուշանյանն արդեն գործնական քայլեր ձեռնարկել է, հարցի լուծման միտմամբ Ավագանու նիստով տարածք է տրամադրել, որ խնդրահարույց մեքենաները տեղափոխվեն այնտեղ։

Մանրամասն՝ տեսանյութում։