Ռոբերտ Քոչարյանի կառավարման ժամանակ 15 երկիր ճանաչել է Հայոց ցեղասպանութունը։ Այս մասին լրագրողների հետ ճեպազրույցում ի պատասխան ՔՊ-ականների հայտարարությունների, թե՝ Ռոբերտ Քոչայանը Հայոց ցեղասպանության ճանաչման հարցը սակարկման առարկա է դարձրել, ասաց ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը, որը մասնակցում էր Ջահերով երթին։
«Այդ 15 ճանաչումը հենց այնպես չի եղել, դրա շուրջ աշխատանքներ են տարվել, ամենօրյա աշխատանք են տարել հայկական կառույցներն արտերկրում, ինչպես նաև դեսպանատները։ Այսինքն՝ դա եղել է մեր արտաքին օրակարգի թիվ 1 հարցերից մեկը։ Կարող են շատ բան ասել, բայց կարևոր են փաստերը։
Չեմ հասկանում, էս աբսուրդն ինչ-որ մի տեղ պե՞տք է վերջանա։ Այսինքն, մեղադրում են էն մարդիկ, ովքեր հիմա բացահայտ, պաշտոնապես ասում են, որ Ցեղասպանության հարցը իրենց արտաքին քաղաքական օրակարգում չկա։ Հիմա մեղադրում են մի ժամանակաշրջանի համար, երբ ամենաշատն են ընդունել, դատապարտել Ցեղասպանությունը։ Էնպես որ՝ ինչ ուզում են՝ ասեն, գլուխները պատին են տալիս»։
Մանրամասն՝ տեսանյութում
