«Հենց հիմա, Սպիտակ մտնելուց առաջ, տեսանք հրապարակը, որը կառուցվել է երկրորդ նախագահի օրոք։ Ասացին՝ մշակույթի տունն էլ է այդ տարիներին կառուցվել։ Աղետի գոտու բազմահազար բնակարանների մասին էլ բոլորդ գիտեք։
Մենք ունեցել ենք կառուցող նախագահ, և միասին պիտի կառուցենք ու վերակառուցենք մեր երկիրը հունիսի 7-ից հետո։ Միասին պիտի դա անենք։
Ժողովուրդ ջան, եթե հունիսի 7-ին մենք գնանք ընտրատեղամասեր, եթե համոզենք մեր հարևաններին ու բարեկամներին, ովքեր արդեն զզվել են այս իրականությունից, գնալ ընտրության և իրենց քվեով մերժել այս իշխանությանը, ապա այս իշխանությունը գնալուց բացի այլ տարբերակ չի ունենալու։ Ու այդ գործում նրան ոչ Թրամփը, ոչ Ալիևը, ոչ Էրդողանը չեն կարող օգնել։ Դուք եք ձեր քվեով որոշում, թե ով է Հայաստանում լինելու իշխանություն»,- այս մասին այսօր՝ մայիսի 29-ին, Սպիտակում քաղաքացիների հետ հանդիպման ընթացքում հայտարարեց «Հայաստան» խմբակցության պատգամավոր Քրիստինե Վարդանյանը։
Մանրամասն՝ տեսանյութում։
