Մարիա Կարապետյանի վերջին օրերի հետևողականությունը, թույլ տվեք ասել, ինձ համար անհասկանալի կերպով, ինձ թույլ չտվեց չմոտենալ այս ամբիոնին և նրա մի քանի դիտարկումներին, որոնք ուղղված էին պարոն Վարդևանյանին՝ հարցադրումների տեսքով, չանդրադառնալ։ Այս մասին այսօր՝ օգոստոսի 6-ին, հայտարարեց ԱԺ «Հայաստան» խմբակցության պատգամավոր Ագնեսա Խամոյանը։
«Տիկին Կարապետյան, ես անկեղծ չեմ կարողանում հասկանալ, թե դուք ինչը չեք կարողանում հասկանալ, որ մի հատ էլ պարոն Վարդևանյանից եք հարցնում։ Ուզում եք՝ հազար անգամ պնդեք, ես չեմ զլանա ու հազար անգամ կգամ այս ամբիոնի մոտ և կկրկնեմ այդ նախադասությունը։
Այո՛, դուք գողացել եք 60000 քաղաքացու ձայն, դուք գողացել եք ընդդիմադիր մանդատներ։ Դա փաստ է։
Հիմա ուզում եմ հասկանալ՝ ձեզ համար ի՞նչն է անհասկանալի, որ դուք երեք օր շարունակ այդ թեման շարունակում եք, այն պայմաններում, երբ ձեր քաղաքական միավորի քարոզչական հիմնական ուղղագիծը ամեն ինչ մոռացության մատնելն է։
Դուք երբեմն դեմքի այնպիսի հպարտ արտահայտությամբ եք կանգնում այստեղ և ելույթ ունենում, ոնց որ մենք հայրենիք չենք կորցրել, մենք հազարավոր տղաների չենք կորցրել։ Նիկոլ Փաշինյանի բանակցությունների, բարձր բանակցային ջիղի շնորհիվ չէ՞, որ հայտնվել ենք այս իրավիճակում։
Դուք այնպես հպարտ եք կանգնում այստեղից խոսում, ոնց որ այդ ամեն ինչը չի եղել։ Ժողովուրդ, ոչ մի բան չի եղել, սաղ նորմալ է»,- նշեց նա։
Մանրամասն՝ տեսանյութում։
