Այստեղ մենք խոսում ենք քրեական վարույթի տեսանկյունից հիմնավորվածության կամ առնչության զրո մակարդակում գտնվող իրավիճակի մասին։ Այս մասին այսօր՝ հունիսի 17-ին, ԿԸՀ դիմաց լրագրողների հետ զրույցում նշեց փաստաբան Արամ Վարդևանյանը։
«Ես դեռ չեմ հիշում դեպք, որ նախաքննական գաղտնիք կազմող տեղեկությունը ինքը քննչականը հանրայնացնի, դրանից հետո անցնի շուրջ երկու շաբաթ, ու դրանից հետո մենք խոսենք իբրև քրեական վարույթի, խափանման միջոցի և այլն, նման ինտենսիվության մասին։
Անկեղծորեն եմ ասում, իհարկե, մենք խոսում ենք «Քաղաքացիական պայմանագրի», կենտրոնական ընտրական հանձնաժողովի մասին, բայց նույնիսկ այդ պայմաններում էլ նվազագույն ողջամտության դեպքում այս միջնորդություններից առնվազն մեկը պետք է մերժվի, երկուսը՝ եթե իրականում խոսենք ժողովրդավարության մասին, քանի որ Սահմանադրական դատարանը հստակ արձանագրում է, որ այս միջնորդությունները ենթակա են մերժման, եթե իրենք ուղղված են անձի քաղաքական գործունեությանը միջամտելուն»,- նշեց նա։
Մանրամասն՝ տեսանյութում։
