«Մի պահ պատկերացրեք մեր մանկության կամ պատանեկության կռիվներից մեկը․ եթե պետք լիներ դիմել որևէ ավագ եղբոր, դուք Նիկոլ Փաշինյանի՞ն կդիմեիք, թե՞ Ռոբերտ Քոչարյանին։ Եթե որևէ կոնֆլիկտ լուծելու համար բարիշացնող պետք լիներ, Նիկոլ Փաշինյա՞նն էր բարիշացնելու, թե՞ Ռոբերտ Քոչարյանը։
Եվ ուրեմն հունիսի 7-ին՝ համար 17-ին։
Քանի որ խոսեցինք բարիշեցնելու մասին, Էրեբունին նաև յուրահատուկ համայնք է, որտեղ գործում են երկու քրեակատարողական հիմնարկներ՝ Վարդաշենը և Նուբարաշենը։ Այլևս չկա նման համայնք։
Ես ուզում եմ ասել, թեև այստեղ բոլորդ գիտեք, որ այն տղերքը, ովքեր այնտեղ նստած են, նրանցից շատերը իրենց խղճի, մտքի, համոզմունքի ու քաղաքական հայացքների համար են այնտեղ հայտնվել։ Պետք է գիտակցել, որ այս թիմի իշխանության գալու պարագայում լինելու է մեծ համաներում՝ բազմաթիվ քրեական գործերի մասով, լինելու է համաներում նաև վարչական ակտերի, վարորդական իրավունքների հետ կապված հարցերի մասով, որովհետև այս իշխանությունները հալածել են միայն նրանց, ում վրա թուրը կտրել է կամ ում կողմից ընդդիմադիր խոսք են լսել»,- այս մասին այսօր՝ մայիսի 24-ին, Էրեբունի համայնքում քաղաքացիների հետ հանդիպման ժամանակ հայտարարեց «Հայաստան» դաշինքի պատգամավորի թեկնածու Նարեկ Մանթաշյանը։
Մանրամասն՝ տեսանյութում։
