Այն որ ձեր ուժի կողմից առհասարակ եկեղեցի վարկաբեկելու, ք-ով գրեք թե կ-ով, ինչպես էլ արտասանեք, վարկաբեկելու ընթացք եք հունավորել, դա ուղղակի ակնհայտ է և ձեր գործողությունները հակասահմանադրական են, դատապարտելի և հանցավոր: Այս մասին այսօր՝ մարտի 5-ին, հայտարարեց ԱԺ «Հայաստան» խմբակցության պատգամավոր Լիլիթ Գալստյանը՝ դիմելով «Քաղաքացիական պայմանագիր» կուսակցությանը։
«Ես նորից հիշեցնում եմ սահմանադրության 17 և 18-րդ հոդվածները՝ կրոնական կազմակերպությունների և խղճի ազատության մասին օրենքը, որով եկեղեցին և պետությունը անջատված են միմյանցից և ոչ մի քաղաքական ուժի և որևէ իշխանության տրված չի եկեղեցին բարեփոխելու օրակարգը, և ոչ էլ դուք և որևէ քաղաքական ուժ այսօր կամ պատմականորեն եկեղեցին բարեփոխելու օրակարգ պարտադրելու իրավասություն չունի։ Ձեր բոլոր գործողություններում այդ թվում մայր աթոռի վրա հրոսակախմբեր ուղարկելը, քրեորեն դատապարտելի են ոչ միայն վարչական ռեսուրսի օգտագործման իմաստով, այլ բարոյական և պատմական իմաստով»,- ասաց նա:
Մանրամասն՝ տեսանյութում։
