Առանց հնազանդության չկա միություն, և առանց միության չկա փրկություն․ Տեր Վրթանես Բաղալյան

24 Հոկտեմբերի, 2025

Բյուրականի Սուրբ Հովհաննես եկեղեցու քահանա Տեր Վրթանես Բաղալյանը գրում է․ «Աստվածաշունչը մեզ հորդորում է․«Հնազանդ եղեք ձեր առաջնորդներին և ենթարկվեք նրանց, որովհետև նրանք են հոգ տանում ձեր հոգիների համար՝ որպես նրանք, որ պիտի հաշվետու լինեն» (Եբրայեցիներ 13․17)։

Այս խոսքը միայն աշխարհական կարգ ու կանոնի մասին չէ, այլ առաջին հերթին վերաբերում է Եկեղեցու ներքին կարգին, որ հաստատված է Սուրբ Հոգով։ Եկեղեցին մարմին է, որի գլուխը Քրիստոսն է, իսկ մարմնի անդամներն են՝ եպիսկոպոսը, քահանան, սարկավագը և հավատացյալ ժողովուրդը։ Եթե մարմնի անդամները միմյանց չհնազանդվեն, մարմինը չի կարող գործել։ Նույնն է և Եկեղեցու դեպքում․ առանց հնազանդության չկա միություն, և առանց միության չկա փրկություն։

Սուրբ Իգնատիոս Անտիոքացին, որ ապրել է առաքյալների ժամանակներին մոտ, իր նամակներում գրում է․

«Որտեղ եպիսկոպոսն է, այնտեղ թող լինի ժողովուրդը, ինչպես որտեղ Քրիստոսն է, այնտեղ է նաև համընդհանուր Եկեղեցին»։

Այսինքն՝ եպիսկոպոսին հնազանդ լինելը Քրիստոսին հնազանդ լինել է, որովհետև եպիսկոպոսը Տիրոջ կողմից է կոչված և ձեռնադրված՝ Եկեղեցու հոտին առաջնորդելու համար։ Իսկ կաթողիկոսը՝ որպես բոլոր եպիսկոպոսների գլուխ և Եկեղեցու հայր, խորհրդանշում է այն միասնականությունը, որով պահվում է ամբողջ եկեղեցական մարմինը՝ մեկ հավատով, մեկ մկրտությամբ և մեկ Սուրբ Հաղորդությամբ։

Երբ քահանան հնազանդ է իր եպիսկոպոսին, և եպիսկոպոսը՝ կաթողիկոսին, ապա այդ շղթան ամբողջանում է դեպի Քրիստոս՝ որպես Գլուխ և Անկյունաքար։ Այս հնազանդությունը ստրկություն չէ, այլ` սիրո ու հավատքի միություն, որով Եկեղեցին պահպանում է իր սրբությունը և ճշմարտությունը։ Որովհետև երբ յուրաքանչյուրն իր կամքով է առաջնորդվում, բաժանումներ են լինում, իսկ բաժանումը միշտ սատանայից է, ինչպես գրված է․

«Եթե թագավորությունը բաժանվի իր մեջ, այն չի կարող կանգուն մնալ» (Մարկ. 3․24)։

Սիրելիներ, Եկեղեցու միասնությունը ամենամեծ պարգևն է, որը Քրիստոս թողեց իր աշակերտներին՝ ասելով․

«Որպեսզի բոլորը մեկ լինեն, ինչպես Դու, Հայր, Ինձանում ես, և Ես՝ Քեզանում» (Հովհ. 17․21)։

Եվ ահա այդ միասնությունը այսօր էլ պահպանվում է ոչ թե մարդկային օրենքներով, այլ Սուրբ Հոգու միջոցով, որ գործում է Եկեղեցու հիերարխիայի՝ աստվածահաստատ կարգի մեջ։

Ուրեմն՝ քահանան, որ ծառայություն է կատարում, պետք է միշտ հիշի, որ իր իշխանությունը բխում է եպիսկոպոսից, և առանց նրա օրհնության ոչ մի բան չպիտի անի։ Եպիսկոպոսն էլ իր հերթին ենթակա է կաթողիկոսին՝ իբրև Հայոց Եկեղեցու հայրապետին։ Այսպես է, որ ամբողջ եկեղեցական մարմինը մնում է կենդանի ու զորավոր։

Եվ եթե որևէ մեկը փորձում է Եկեղեցու մեջ բաժանում մտցնել՝ հպարտությամբ կամ անհնազանդությամբ, նա հակառակ է դառնում ոչ թե մարդուն, այլ հենց Սուրբ Հոգուն, որ միավորում է բոլորիս։ Այդ պատճառով Սուրբ Պողոսն ասում է․

«Խրատում եմ ձեզ՝ եղբայրնե՛ր, որ խուսափեք նրանցից, ովքեր բաժանումներ են առաջ բերում և հակառակ են այն ուսուցման, որ դուք ստացել եք» (Հռոմ. 16․17)։

Թող այս խոսքերը լինեն մեզ զգուշացում և խրատ․

հնազանդ լինենք մեր հոգևոր հովիվներին՝ ոչ վախից, այլ սիրուց, որովհետև հնազանդ սիրտը բերում է խաղաղություն, իսկ խաղաղությունը՝ Սուրբ Հոգու ներկայություն։

Աղոթենք, որ մեր Սուրբ Եկեղեցին՝ մեր Սուրբ Էջմիածինը, մնա անսասան իր հնազանդության և սիրո հիմքի վրա, որպեսզի բոլոր քահանաներն ու հավատացյալները լինեն մեկ սրտով, մեկ հոգով, մեկ հավատով Քրիստոս Հիսուսի մեջ։

Եթե համամիտ եք, ապա գրեք. «Ամեն»»:

Նմանատիպ նյութեր

Արմավիրի մարզից 3 հոգի սուր կտրnղ-ծակnղ առարկայից ստացած հարվածներից տեղափոխվել են հիվանդանոց

Արմավիրի մարզից 3 հոգի սուր կտրnղ-ծակnղ առարկայից ստացած հարվածներից տեղափոխվել են հիվանդանոց

Երեկ՝ նոյեմբերի 16-ին, արտակարգ դեպք է տեղի ունեցել Արմավիրի մարզում։ Ժամը 07։20-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Արմավիրի մարզային վարչությունում օպերատիվ տեղեկություններ են ստացվել, որ «Վաղարշապատ»...

Իրանը հայտարարել է Հայաստանում նավթավերամշակման գործարանի կառուցմանը մասնակցելու պատրաստակամության մասին

Իրանը հայտարարել է Հայաստանում նավթավերամշակման գործարանի կառուցմանը մասնակցելու պատրաստակամության մասին

  Իրանի նավթի նախարարի պաշտոնակատար Համիդ Բովարդը հայտարարել է, որ Թեհրանը պատրաստ է մասնակցել Հայաստանում էներգետիկ խոշոր ծրագրերի իրականացմանը։ Մասնավորապես, Իրանը պատրաստ է օգտագործել իր տեխնիկական և ինժեներական հնարավորությունները Հայաստանում նավթավերամշակման...

Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան

Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան

«Հայաստան» դաշինքի անդամ Անուշ Առաքելյանը ֆեյսբուքյան իր էջում գրում է․ Երեկ մասնակցում էի Հայաստան խմբակցության կողմից կազմակերպված ԱԺ լսումներին։ Լուռ հետևում էի ելույթները։ Խոսվեց քաղբանտարկյալների, հետապնդումների ու հալածանքների մասին։ Այո, 2018 թվականից...

Ռուբինյանի խոսքը բացահայտում է նրա վերաբերմունքը սեփական արժանապատվության հանդեպ. Տեր Մանուկ քահանա

Ռուբինյանի խոսքը բացահայտում է նրա վերաբերմունքը սեփական արժանապատվության հանդեպ. Տեր Մանուկ քահանա

Տեր Մանուկ քահանա Զեյնալյանը գրել է․ «Անդրադառնալով Ազգային Ժողովի նախագահի փողոցային խոսույթին… Ռուբինյա՛ն, քաղաքական բանավեճը փողոցային արտահայտություններով մի՛ փոխարինեք։ Ձեր պաշտոնը Ձեզ պարտավորեցնում է բարձրացնել խոսքի մակարդակը, ոչ թե իջեցնել այն։ Ամենայն Հայոց...

Նոյեմբերյանի և Բերդի ճանապարհներին մառախուղ է

Նոյեմբերյանի և Բերդի ճանապարհներին մառախուղ է

Նոյեմբերի 16-ին՝ ժամը 20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է, տեսանելիությունը՝ 50-80 մետր։ Հայտնում են Ճանապարհային դեպարտամենտից։ Միջպետական և հանրապետական նշանակության բոլոր ավտոճանապարհները բաց...