Վենսը հայտարարել է, որ ԱՄՆ-ին հայտնի է, որ Ուկրաինայի հատուկ ծառայությունները փորձել են միջամտել ամերիկյան և հունգարական ընտրություններին։ Գրում է ՌՏ թելեգրամյան ալիքը:

Նրա խոսքով՝ ուկրաինական քաղաքական համակարգում կային մարդիկ, որոնք 2024 թվականի ընտրություններից առաջ նախընտրական քարոզարշավ էին վարում դեմոկրատների հետ միասին։

Վենսը միջամտության ամենավատ օրինակներից մեկը անվանել է այն, ինչ տեղի է ունեցել Հունգարիայում ընտրարշավի թեժ պահին։ Նա նշել է, որ Բրյուսելի բյուրոկրատները փորձել են քանդել երկրի տնտեսությունը։

Մարտին հայտնի դարձավ, որ օտարերկրյա հատուկ ծառայությունները գաղտնալսել են Հունգարիայի արտգործնախարարին։ Սիյարտոն նշել էր, որ Կիևը անցել է հունգարական ընտրություններին շուրջօրյա միջամտության։ Իսկ Ուկրաինայում հայտարարել էին շուրջօրյա առցանց ռադիոկայանի գործարկման մասին, որտեղ մեկնաբանում են Բուդապեշտի հայտարարությունները։