Ալեն Սիմոնյանի՝ Քննչական կոմիտե ուղարկած բողոքում առնվազն 5 սխալ կա. «Ժողովուրդ»

14 Նոյեմբերի, 2025

«Ժողովուրդ» օրաթերթը գրում է. «Այսօր հայտնի դարձավ, որ Ազգային ժողովի նախագահ Ալեն Սիմոնյանի անունից Քննչական կոմիտե ուղարկված գրությունը, որով նա հաղորդում էր ներկայացրել «Իմնեմնիմի» հաղորդաշարի հեղինակներ Նարեկ Սամսոնյանի եւ Վազգեն Սաղաթելյանի դեմ (ինչի հիման վրա ԱԱԾ-ն դիմակավորված ծառայողներով նրանց բերման էր ենթարկել), գրված է բազմաթիվ տառասխալներով։

«Ժողովուրդ» օրաթերթը ուսումնասիրել է ԱԺ նախագահի անունից ուղարկված գրությունն ու արձանագրել՝ ընդամենը մեկ էջանոց բողոքում առկա են առնվազն հինգ կոպիտ սխալներ՝ սկսած ուղղագրականից մինչեւ տարրական ձեւակերպումներին առնչվող։

Տպավորություն է, որ ԱԺ նախագահի աշխատակազմում ոչ միայն «խուլիգանության» հատկանիշներ են փորձել գտնել վիրավորանքների մեջ, այլ նաեւ լեզվի չիմացությունն են ի ցույց դրել:
Խորհրդարանի խոսնակը, որը ամեն օր ստորագրում է տարբեր որոշումներ ու փաստաթղթեր, պետք է լինի լեզվական եւ իրավական մշակույթի օրինակ. սակայն, փաստորեն, նա անգամ տարրական գրության մակարդակ ապահովել չի կարողացել։

Սա ժամանակի սղության հետեւա՞նք է, թե՞ կրթական «ռեֆորմների» վերջնական արդյունքը՝ դժվար է ասել, բայց փաստը մնում է փաստ. բողոքում սխալներն ավելի շատ են, քան բովանդակային փաստարկները։

«Ժողովուրդ» օրաթերթը» բողոքում հայտնաբերված հինգ սխալների լուսանկարը ներկայացնում է ընթերցողի դատին. թող հասարակությունն ինքը որոշի՝ այս դեպքում ո՞րն է ավելի մտահոգիչ. հեռուստաեթերի հայհոյախառն բառապաշա՞րը, թե՞ այն փաստը, որ երկրի երկրորդ պաշտոնյան այսպիսի որակի տեքստով է դիմում իրավապահներին։ Հաղորդում ներկայացնելու իրավական ձեւակերպումներն էլ են խնդրահարույց, բայց իրավական հարցերը կքննարկվեն դատարանում:

Ի դեպ, իրավապահներից նա ջերմ հարաբերություններ ունի միայն Արթուր Պողոսյանի հետ, դրա համար էլ նրա անունով է հաղորդումը ներկայացրել, այլ ոչ թե ՀՀ գլխավոր դատախազի»։

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...