ՄԱԿ փախստականների գործերով գերագույն հանձնակատարի վարչությունը (UNHCR) Ադրբեջանի կառավարությունից պաշտոնական ծանուցում է ստացել և ավարտում է իր գործունեությունը երկրում։ Այս մասին, ի պատասխան APA-ի հարցման, հայտնել է UNHCR ներկայացուցիչ Մեթյու Սոլթմարշը։
Չնայած հաղորդագրությանն ուղեկցող դիվանագիտական խոսակցություններին, փաստը չափազանց տխուր է՝ հեռահար հետևանքներով։
Մի քանի տարի առաջ Ադրբեջանի իշխանությունները փակեցին ԵԱՀԿ գրասենյակը, այնուհետև Բաքվի դիրքորոշման պատճառով կոնսենսուս ձեռք չբերվեց ԵԱՀԿ երևանյան գրասենյակի աշխատանքը շարունակելու վերաբերյալ, և այն նույնպես փակվեց։ Վերջերս Ադրբեջանի իշխանությունները սկսել են խոսել ԿԽՄԿ պատվիրակությունը փակելու մասին։
