Չինաստանի նախագահ Սի Ծինփինը Ռուսաստանի և ԱՄՆ-ի առաջնորդների հետ եռակողմ հանդիպման ընթացքում հայտարարել է, որ երեք երկրները պետք է հրաժարվեն սառը պատերազմի ժամանակաշրջանի մտածելակերպից և ընդլայնեն համագործակցությունը։
Սի Ծինփինի խոսքով՝ միջուկային զենքը պետք է ամբողջությամբ արգելվի և ոչնչացվի, քանի որ միջուկային պատերազմում հաղթել հնարավոր չէ, և այն երբեք չպետք է սկսվի։
Նա ընդգծել է, որ անհրաժեշտ է բոլոր ջանքերը գործադրել միջուկային պատերազմը կանխելու, ինչպես նաև պահպանելու Միջուկային զենքի չտարածման մասին պայմանագիրը։
Չինաստանի առաջնորդը նշել է նաև, որ խոշոր տերությունները պետք է հարգեն միմյանց ինքնիշխանությունն ու տարածքային ամբողջականությունը, չմիջամտեն միմյանց ներքին գործերին և հակամարտությունները կարգավորեն երկխոսության ու դիվանագիտության միջոցով։
Սի Ծինփինի համոզմամբ՝ Չինաստանը, Ռուսաստանը և ԱՄՆ-ն պետք է ընդլայնեն տնտեսական համագործակցությունը, այլ ոչ թե խզեն տնտեսական կապերն ու մատակարարման շղթաները։
Նա նաև ընդգծել է հետպատերազմյան միջազգային կարգի և ՄԱԿ-ի կանոնադրության նպատակների պահպանման անհրաժեշտությունը՝ հավելելով, որ համաշխարհային էներգետիկ անվտանգությունը լուրջ մարտահրավերների է բախվում։
Հիշեցնենք, այսօր Շենժենում կայացել է Ռուսաստանի, Չինաստանի և ԱՄՆ-ի առաջնորդների եռակողմ հանդիպումը: Կարևոր հայտարարությունները՝ հղումով:





