«Եկեք խոսենք փաստերով։ Փաստ է, որ Հայաստանի Հանրապետությունում տնտեսական ակտիվության ցուցանիշը կարող էր ավելի լավը լինել։ Այո՛, բայց այդքան լավ չէ։ Մեր հայրենակիցների բարեկեցությունը կարող էր ավելի բարձր լինել։ Այո՛, բայց այդպես չէ։
Վերջին ութ տարուց ավելի ժամանակահատվածում տեղի ունեցած բոլոր դրականի և բացասականի համար պատասխանատուն «Քաղաքացիական պայմանագիրն» է։
Մենք գիտակցում էինք հնարավոր դժվարությունները, աշխարհաքաղաքական մարտահրավերները և այդ ամենը։ Այո՛, հայտ էինք ներկայացրել՝ ստանձնելու ամբողջ պատասխանատվությունը։
Այդ ընթացքում «Քաղաքացիական պայմանագիր» կուսակցության նախագահը, առաջնորդը՝ Հայաստանի Հանրապետության վարչապետը, մի բան էր ասում։ Ասում էր, որ Ռուսաստանի Դաշնության նախագահի հետ ամենամտերիմն ինքն է։ Ասում էր, որ ընտրություններից հետո՝ մի քանի օրվա ընթացքում, բոլոր հնարավոր տնտեսական խնդիրները կլուծի»,- այս մասին այսօր՝ հոկտեմբերի 28-ին, հայտարարեց ԱԺ «Ուժեղ Հայաստան» կուսակցության պատգամավոր Արամ Վարդևանյանը։
Մանրամասն՝ տեսանյութում։
