ԵՄ-ի պատժամիջոցների նոր փաթեթը կթիրախավորի Ռուսաստանի ռազմարդյունաբերական համալիրը, այդ թվում՝ հրթիռների արտադրությունը։ Այս մասին, հղում անելով իր աղբյուրներին, ՏԱՍՍ-ի փոխանցմամբ՝ գրել է Politico-ն։
Նրանց տվյալներով՝ սահմանափակող միջոցները կգործեն երեք տարի։ Հոկտեմբերի 12-ին Լյուքսեմբուրգում ԵՄ անդամ երկրների արտաքին գործերի նախարարները կշարունակեն քննարկել նաև ռուսաստանցի զբոսաշրջիկներին և նախկին զինվորականներին վիզաների տրամադրումը սահմանափակելու, ինչպես նաև ԵՄ տարածքում ռուսաստանցի դիվանագետների տեղաշարժը սահմանափակելու հնարավորությունները, հայտնել են աղբյուրները։
ԵՄ իշխանությունները նախատեսում են պատժամիջոցների նոր փաթեթում ներառել շուրջ 1,6 հազար ֆիզիկական և իրավաբանական անձի, նշում է պարբերականը։
Մոսկվան բազմիցս հայտարարել է արևմտյան միակողմանի պատժամիջոցների անօրինականության և անարդյունավետության մասին։ Հուլիսի 27-ին Ռուսաստանի նախագահի մամուլի քարտուղար Դմիտրի Պեսկովը նշել է, որ Ռուսաստանը հարմարվել է եվրոպական պատժամիջոցներին և գիտի, թե ինչպես ապրել ու զարգանալ դրանց ճնշման պայմաններում։
