«Ծնունդդ շնորհավոր, Երևան։ Քաղաք, որտեղ միավորվում են պատմությունը, մշակույթը և նոր գաղափարները», — ասվում է ԵՄ պատվիրակության հրապարակած շնորհավորական ուղերձում։

Ներկայացուցչությունում ընդգծել են, որ Եվրամիության և Հայաստանի համագործակցությունն ուղղված է մայրաքաղաքի էկոլոգիական ու կայուն զարգացմանը։ Որպես գործընկերության առաջնահերթ ուղղություններ՝ առանձնացվել են ջրամատակարարման բարելավումը, կլիմայական ու էներգետիկ նախաձեռնությունները, ինչպես նաև օդի որակի բարելավումն ու դրա աղտոտվածության մշտադիտարկումը։