ՔՊ-ն քննարկեց և 62 կողմ ձայնով հաստատեց Հայ Առաքելական եկեղեցու շուրջ ստեղծված իրավիճակն ուսումնասիրելու համար ստեղծված ԱԺ քննիչ հանձնաժողովի կազմը:
Քննարկումը տևեց մի քանի րոպե: Ազգային ժողովի երկու ընդդիմադիր՝ «Հայաստան» և «Ուժեղ Հայաստան» խմբակցություններն ավելի վաղ հայտարարել էին, որ չեն մասնակցի քննիչ հանձնաժողովի կազմի հաստատման քննարկմանը և քվեարկությանը:
Հիշեցնենք, որ Փաշինյանն «Բուն TV» -ի տաղավարում հայտարարել էր. «Առաջիկայում, հանրային կապերի և տեղեկատվության ՊՈԱԿ-ը իմ հանձնարարաությամբ պատրաստել է զեկույց Հայ Առաքելական եկեղեցու առաջացած ճգնաժամի և լուծման ուղիների վերաբերյալ։ Ես կարող եմ ասել, որ մեր եկեղեցու իրավիճակը սարսափելի է, մեր եկեղեցին բռնազավթված է և մենք այդ խնդիրը պետք է լուծենք, մենք այդ խնդիրը լուծելու ենք այդ թվում՝ օրենքում կատարվելիք փոփոխություններով։
ՔՊ վարչությունում այդ հարցը քննարկել ենք, չեմ բացառում, որ այդ առնչությամբ ԱԺ-ում կստեղծվի քննիչ հանձնաժողով, որը զեկույցից օրենսդրական առաջարկներով հանդես կգա»:
Նախագիծը բերվել է ԱԺ, որին ՔՊ-ն կողմ քվերակեց:
