Լրագրող Ոսկան Սարգսյանը ֆեյսբուքյան իր էջում գրել է. «Հայաստանում պաշտոնը ընկալվում է ոչ թե պետությանը, օրենքին, հանրությանը, քաղաքացիներին ծառայելու միջոց, այլ՝ հարստանալու ամենակարճ եղանակ։

Պաշտոնատար անձանց ու նրանց հետ փոխկապակակցված անձանց եկամուտների հայտարարագրերը չեն լուծում բարձր պաշտոնյաների ապօրինի հարստացումը կանխելու, այդպիսի դեպքերը բացահայտելու խնդիր, պաշտոնյաները օրենքը շրջանցելու բազում ձևեր գիտեն։ 8 տարում ո՞նց հարստացան, թռփոշացան փողոցից պալատ բերված, նախկինում անգամ սուրճ խմելու փող չունեցած, սակայն հիմա բազում տների, թանկ ավտոների, բիզնեսների տեր դարձած «թավշյա հեղափոխականները»։

Նրանք հանձնեցին Արցախը, ՀՀ սահմանամերձ տարածքները, լիովին ձախողեցին պետական կառավարումը, Հայաստանի տնտեսական զարգացումը, աղքատության կրճատումը, կոռուպցիայի դեմ պայքարը, բայց իրենք բիրդան աղա դարձան։

Սակայն ամեն ինչ փոփոխական ու անցողիկ է, այդ թվում՝ օրվա իշխանությունը։ Ներկայիս բարձր պաշտոնյաներն իշխանազրկվելուց հետո փողոցներում առերեսվելու են իրենց կողմից խաբված,անընդհատ աղքատացող մարդկանց հետ»։