Ուկրաինայի նախագահ Վլադիմիր Զելենսկին Կիևում բանակցություններ է անցկացրել ԱՄՆ նախագահի հատուկ ներկայացուցիչներ Սթիվ Ուիթքոֆի և Ջարեդ Քուշների հետ։ Վերջիններս մինչ այդ այցելել էին Մոսկվա և հանդիպել Ռուսաստանի նախագահ Վլադիմիր Պուտինի հետ։
Հանդիպումից հետո կողմերը հայտնել են, որ ամերիկացի ներկայացուցիչները Կիև են բերել պատերազմը դադարեցնելու ուղիների վերաբերյալ մի շարք «նոր գաղափարներ»։ Սակայն դրանց բովանդակությունը դեռ չի հրապարակվել։
Զելենսկին նշել է, որ նախ անհրաժեշտ է մանրամասն վերլուծել առաջարկները, գնահատել հնարավոր քայլերը և հասկանալ՝ արդյոք դրանք կարող են կողմերին մոտեցնել խաղաղությանը։
Ուիթքոֆի խոսքով՝ Մոսկվայում բանակցությունների ընթացքում «մեծ առաջընթաց» է գրանցվել։ Նա նաև հայտնել է, որ քննարկվում է Ուկրաինայի, ԱՄՆ-ի և Ռուսաստանի մասնակցությամբ նոր եռակողմ հանդիպման անցկացումը։
ԱՄՆ նախագահի հատուկ ներկայացուցիչը նշել է, որ խաղաղության հասնելու համար անհրաժեշտ է, որպեսզի հակամարտության երկու կողմերն էլ գնան փոխզիջումների և նվազեցնեն իրենց միջև առկա տարաձայնությունները։
Քուշնի և Ուիթքոֆի այցը Կիև պատերազմի սկսվելուց ի վեր նրանց առաջին այցն էր Ուկրաինա։
