Իրանը Մերձավոր Արևելքում ԱՄՆ ռազմական բազաների դեմ պատասխան ավիահարվածների ժամանակ օգտագործել է բալիստիկ հրթիռներ և արհեստական բանականության տեխնոլոգիայով հագեցած անօդաչու թռչող սարքեր։ Այս մասին հայտարարել է Իրանի բանակի խոսնակ Մոհամմադ Ակրամինիային, փոխանցում է ТАСС-ը։
«Թշնամու դեմ վերջին գործողությունների ընթացքում մենք օգտագործել ենք Fath մակերես-մակերես հրթիռներ և Arash-2 արհեստական բանականությամբ հագեցած անօդաչու թռչող սարքեր», — ասել է նա պետական հեռուստատեսությամբ։ Ըստ Իրանի բանակի խոսնակի՝ Իրանի զինված ուժերը պատասխան հարվածներ են հասցնում «համակցված և ասիմետրիկ ձևով, ինչը թույլ է տալիս նրանց հեշտությամբ հարվածել թիրախներին»։
Ակրամինիան նշել է, որ Թեհրանը չի բացառում կանխարգելիչ գործողություններ իրականացնելու հնարավորությունը, եթե սպառնալիքներ առաջանան, և զգուշացրել է Իսրայելին, որ Իրանի պատասխանը նոր ագրեսիային կլինի «արագ և ջախջախիչ»։
