Վիճակագրական կոմիտեն հրապարակել է ՀՀ-ի 2026թ. հունվար-օգոստոսի Սպառողական գների փոփոխությունների ինդեքսը։
Ըստ վիճակագրության՝ ընթացիկ տարվա հունվար-օգոստոսը 2025թ. հունվար-օգոստոսի նկատմամբ այն աճել է 4.5%-ով, բայց սննդամթերքը և ոչ ալկոհոլային խմիչքը թանկացել է 7.3 %-ով, ալկոհոլային խմիչքը, ծխախոտային արտադրատեսակները՝ 8.2 %-ով, հագուստը՝ 2 %-ով, առողջապահությունը 3.8 %-ով, տրանսպորտը՝ 2.2 %-ով, իսկ կրթությունը 8.3 ։
Հատկանշական է, որ 2026թ. օգոստոսին 2025թ. օգոստոսի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 6.4% գնաճ, իսկ 2026թ. հուլիսի համեմատ՝ 1.0% գնանկում:
2026 թ օգոստոսին նախորդ տարվա օգոստոսի համեմատ հացաբուլկեղենը և ձավարեղենը թանկացել է 2.6%-ով, միսը՝ 10.8 %-ով, ձուկը և ծովամթերքը էժանացել են 8.9 %-ով, կաթնամթերքը, պանիրը և ձուն թանկացել են 11.8 %-ով, յուղերը և ճարպերը 2.3 %-ով, միրգը՝ 10.8 %-ով, Շաքարը, մրգախյուս, մեղրը, օշարակներ, շոկոլադը և շաքարային հրուշակեղենը 4.6 %-ով, սննդամթերք, չներառված ուրիշ խմբավորումներում 4.3 %-ով, սուրճը, թեյը և կակաոն՝ 5.7 %-ով, օղին՝ 11%-ով, ծխախոտը՝ 7%-ով։
Դիտարկվող ժամանակահատվածում ոսկերչական զարդերը թանկացել են 25.3 %-ով, բժիշկների ծառայությունները՝ 9.3%-ով, բժշկական ծառայությունները՝ 6.1%-ով , տրանսպորտի ապահովագրություն՝ 14 %-ով։
