«Ցանկացած բան, որ տեղի է ունենում, ու ուզում ես հասկանալ՝ ինչ է տեղի ունեցել, երբ պատմում են քեզ, երկու հարց ես տալիս՝ «ի՞նչ» և «երբ»։ Հիմա այդ մարդը ուղիղ եթերից երկու հարցին էլ սուտ է պատասխանում․ ինքը ստով է սկսում այդ ամեն ինչը։ Ասում է՝ ապրիլին Ռոբերտ Քոչարյանի նկատմամբ հարուցվել է գործ, և նրան ներկայացվել է մեղադրանք՝ չբացակայելու արգելքով։ Երկու մեծ սուտ, որ իրար հետ ամուսնացնես, ճշմարտություն չի ծնվելու։
Դրանից հետո ինքն ինչ էլ պատմի, դա արդեն ստի վրա հիմնված ստի շարունակությունն է։ Գիտե՞ք, դրանց որ լսում ես, տպավորություն է, որ իրենց ինչ-որ բառեր են իջնում․ քննչականում, չգիտեմ, վերջին զանգի սցենարիստներ են՝ էժան, ցածր որակի։ Ու ինչ-որ, պայմանական ասենք, իրենց իջնում է, որ պետք է «գետաձի», «ձմերուկ» ու «հիդրոէլեկտրոկայան» բառերով մի հատ մեղադրանք տալ։ իրանք դա գրում են, հաջորդ առավոտ գլխավոր դատախազ Աննա Վարդապետյանը շատ «վաժնի» դեմքով մտնում է ու ասում՝ պարզվել է, որ գետաձիները ձմերուկով հիդրոէլեկտրոկայանին հարվածել են․»,- այս մասին «Աշխարհաքաղաքական գործ» խորագրով ասուլիսի ժամանակ ասաց ՀՀ երկրորդ նախագահ Ռոբերտ Քոչարյանի գրասենյակի ղեկավար Բագրատ Միկոյանը։
Մանրամասն՝ տեսանյությում։
