Պետությունը չի ապրում ելույթներով, պետությունն ապրում է արդյունքով․ Վիտալի Մանգասարյան

16 Օգոստոսի, 2026

«Հենակետ» վերլուծական կենտրոնի ղեկավար Վիտալի Մանգասարյանը ֆեյսբուքյան գրառումը․ «ՀՀ իշխանության կոմպլեքս թիվը․

Մաթեմատիկայում կոմպլեքս թիվը գրվում է z = a + bi տեսքով, որտեղ a-ն իրական մասն է, bi-ն՝ կեղծ մասը, իսկ i-ն՝ կեղծ միավորը, որի քառակուսին հավասար է -1-ի (i² = -1)։
Մաթեմատիկական այս մեծությունը գոյություն ունի միայն թղթի վրա, քանի որ, այն անհնար է` պատկերավոր ասած, դնել կշեռքին:

Փորձեմը պրոյեկտել մերօրյա իրականության վրա:
a-ն այն չափելի, վիճակագրական և անհերքելի իրականությունն է, որը գոյություն ունի անկախ իշխանությունների գեղեցիկ հայտարարություններից։ Դրանք խանութների գներն են, գնաճը, աղքատության ցուցանիշները, արդարադատությունը, և անվտանգային համակարգի խնդիրները։ Այս ամենը կարելի է ստուգել առանց վարչապետի ուղիղ եթերներին հետևելու։

bi-ն իշխանական պրոպագանդայի և առօրյա հայտարարությունների ծավալն է, որտեղ տեղ են գտնում բացարձակ կեղծ ու անհիմն պնդումները։ Հիշենք մի քանի վառ օրինակ՝ «Հայաստանը ժողբաստիոն է », «տնտեսական հեղափոխություն», կամ այն հավաստիացումները, թե սահմանային անվտանգությունն ու խաղաղության դարաշրջանն արդեն իրականություն են։ Այս ամենը զուտ կեղծ հայտարարություններ են, որոնք նպատակ ունեն հասարակությանն մոլորեցնելու և տպավորություն ստեղծելու համար։

Մենք չափազանց շատ ժամանակ ենք ծախսում bi-ների վրա, ասել է թե, կեղծ մասի վրա:
Ո՞վ ավելի լավ խոսեց։
Ո՞վ ավելի համոզիչ ձևակերպեց։
Ո՞վ ավելի լավ բացատրեց։
Ո՞վ ավելի արդյունավետ մեղադրեց մյուսին։
Մինչդեռ պետության համար կարևոր թիվը a-ն է, նույն ինքը` թվի իրական մասը:
Որովհետև պետությունը չի ապրում ելույթներով։
Պետությունը ապրում է արդյունքով։ Քաղաքացին նույնպես։
Եվ եթե իշխանության քաղաքական կոմպլեքս թիվը արտահայտվում է z = a + bi բանաձևով,
ապա հասարակության պահանջը շատ ավելի պարզ պետք է լինի։

Մի կողմ դրեք bi-ն, և ցույց տվեք a-ն:
Որքանո՞վ է անվտանգ երկիրը։
Որքանո՞վ է ուժեղ բանակը։
Որքանո՞վ է արդյունավետ պետությունը։
Որքանո՞վ է բարեկեցիկ քաղաքացին։
Որքանո՞վ է անկախ դատարանը։
Որքանո՞վ է զարգացած տնտեսությունը։
Որքանո՞վ է վստահելի պետական համակարգը։
Որքան էլ մեծ լինի կոմպլեքս թվի կեղծ մասը, bi-ն հաց չի դառնում, բանակ չի դառնում, անվտանգություն չի դառնում և պետություն չի դառնում»։

Նմանատիպ նյութեր

Թող իրենք մտածեն իրենց կատարած թալանի մասին․ Լիդյա Մանթաշյանը՝ իշխանությանը

«Աշխարհի ցանկացած երկրում լինում են քաղաքական գործեր, բայց այս մասշտաբի հետապնդումներ, բացի ավտորիտար երկրներից, ոչ մի տեղ չենք տեսել։ Հիմա, օրինակ, եթե վերցնենք «Ուժեղ Հայաստանը», այնքան շատ են քաղբանտարկյալները, որ միայն առաջնորդներին...

Մարդը արյունահոսում է, նրան պատշաճ բուժօգնություն չի ցուցաբերվում․ փաստաբանը՝ ՔԿՀ պայմանների մասին 

  «Ունեմ մի պաշտպանյալ՝ Արթուր Վարդանյանը, որի առողջական խնդիրների մասին բազմիցս բարձրաձայնել և անդրադարձել եմ։ Նա չափազանց լուրջ առողջական խնդիրներ ունի, սակայն համապատասխան մարմինների կողմից գործուն քայլեր չեն ձեռնարկվում։ Երբ իմ...

Ինչ է կատարվում Սպիտակում ընտրություններից առաջ. «Արմլուր»

Ինչ է կատարվում Սպիտակում ընտրություններից առաջ. «Արմլուր»

Ընտրական հանձնաժողովը պահանջում է «Քաղաքացիական պայմանագրի» թեկնածու Քաջայր Նիկողոսյանին դուրս թողնել համայնքապետի ընտրություններից: ArmLur.am-ը գրել էր, որ նոյեմբերի 29-ին Սպիտակի ավագանու ընտրություններ են և Նիկողոսյանի դեմ են դուրս եկել նրա ենթակաները՝ «Բարոյական...

Ռուսաստանը մշտապես հանդես է գալիս Վրաստանի հետ գործնական և փոխշահավետ հարաբերությունների հաստատման օգտին. ՌԴ ԱԳՆ

Ռուսաստանը մշտապես հանդես է գալիս Վրաստանի հետ գործնական և փոխշահավետ հարաբերությունների հաստատման օգտին. ՌԴ ԱԳՆ

Մոսկվան արդեն կապ է հաստատել Ռուսաստանի հետ հարաբերությունների հարցերով Վրաստանի վարչապետի նոր հատուկ ներկայացուցիչ Գեորգի Զուրաբաշվիլիի հետ։ Այս մասին երկուշաբթի հայտնել է «Իզվեստիա» թերթը՝ վկայակոչելով Ռուսաստանի արտաքին գործերի նախարարությանը։ «Գեորգի Զուրաբաշվիլիի...

Գալյանի ելույթը ջրի երես բերեց ՔՊ-ի քաղաքական երեսպաշտությունն ու երկակի ստանդարտները․ Ավետիսյան

«Օրեր առաջ արդարադատության նախարար Սրբուհի Գալյանի հուզառատ ելույթը հերթական անգամ ջրի երես բերեց իշխող «Քաղաքացիական պայմանագիր» կուսակցության քաղաքական երեսպաշտությունն ու երկակի ստանդարտները։ Այսօր երկրում առկա քաղաքական բանտարկյալների...