Ինչպե՞ս կարելի էր Հայոց Հայրապետին նստեցնել մեղադրյալի աթոռին։ Ամենայն Հայոց Կաթողիկոսի և բարձրաստիճան հոգևորականների դեմ դատական գործընթացը եկեղեցու ինքնավարությանը միջամտություն է:
Օրենքով նախատեսված է, որ պետությունը չի կարող միջամտել եկեղեցու ներքին և, առհասարակ, նրա ինքնավարությանը։ Բայց տեսնում ենք, որ Հայաստանում օրենքները վերաշարադրվում են մեկ անձի կողմից, մեկ անձի քաղաքական քմահաճույքով և նաև, ինչու չէ, իր, երևի թե, անձնական, այսպես, կյանքից չարացած, Աստծուց երես թեքած մի մարդու քմահաճույքով։
Ճիշտը, զսպվածությունը և, առհասարակ, այս ամենի մեջ խաղաղությունն ու սառնասրտությունը պահելը շատ դժվար է։ Որովհետև չեն դատում Հայոց Հայրապետին նրա համար, որ ինքը ինչ-որ օրենք է խախտել, այլ նրա համար, որ ինքը օրենքով սահմանված իր լիազորությունն իրականացրել է թե՛ եկեղեցու օրինական դաշտից ներս, և թե՛ Հայաստանի Հանրապետության Սահմանադրությամբ և բոլոր օրենքներով։
Այս մասին ֆեյսբուքյան իր տեսաուղերձում ասել է Տեր Զարեհ քահանա Աշուրյանը։
