Այսօր՝ հուլիսի 30-ին, ՀՀ կառավարության նիստի ընթացքում «Սպորտի բնագավառում ունեցած նշանակալի նվաճումների համար մի շարք քաղաքացիների շարքային կազմի պարտադիր զինվորական ծառայության զորակոչից տրված տարկետումը դադարեցնելու մասին» որոշում է կայացվել։ Մասնավորապես, կդադարեցվի Հայաստանի ուշուի հավաքականի անդամ չհամարվող Յաշա Սարգիսի Մնացականյանին պարտադիր զինվորական ծառայության զորակոչից տրված տարկետումը։
Մեկ այլ որոշման ընդունմամբ դադարեցվել է Հայաստանի ֆուտբոլի մինչև 19 տարեկանների հավաքականի անդամ չհամարվող Արմեն Դավիթի Ծատրյանին պարտադիր զինվորական ծառայության զորակոչից տրված տարկետումը։
Միևնույն ժամանակ որոշում է կայացվել պարտադիր զինվորական ծառայությունից ազատել Հայկ Արամի Գուրգենյանին՝ հաշվի առնելով նրա անցած ստեղծագործական ուղին, նշանակալի ներդրումը հայ մշակույթի զարգացման և հանրահռչակման գործում, ինչպես նաև Հայաստանի Հանրապետությունն ու հայկական մշակույթը միջազգային հարթակներում արժանապատվորեն ներկայացնելու փաստը և նրա խոստումնալից ապագան։
