«Գագիկ Ծառուկյանի տանը իրականացված խուզարկությունը թերևս կարող է գրանցվել Գինեսի ռեկորդների գրքում՝ որպես ամենաերկարատև խուզարկություն, որովհետև այն տևեց շուրջ 13 ժամ։ Դրանից հետո արդեն Քննչական կոմիտեում հարցաքննության գործընթացն էր։ Այն ժամանակ, երբ հայտարարվեց, որ պարոն Ծառուկյանն արդեն տեղափոխվում է ընդհանուր իրավասության դատարանի Ավանի նստավայր, որպեսզի այնտեղ քննարկվի կալանքի միջնորդության հարցը, մի քանի ժամ դատարանի բակում սպասելուց հետո միայն տեղեկացրեցին, որ նիստը կայանալու է առավոտյան ժամը 9-ին: Ինչո՞ւ եմ այս փաստերը ևս մեկ անգամ բարձրաձայնում. որպեսզի ձեր ու լրատվամիջոցների օգնությամբ հանրության ուշադրությունը ևս մեկ անգամ հրավիրեմ այն հանգամանքի վրա, թե որքան անփույթ ու թափթփված կերպով է իրականացվում այս ամբողջ գործընթացը՝ սկսած քրեական գործն այսպես «կարելու» փուլից»,- այս մասին լրագրողների հետ զրույցում ասաց ԲՀԿ խոսնակ Իվետա Տոնոյանը։
Մանրամասն՝ տեսանյութում։
