Գործարար, «Բարգավաճ Հայաստան» կուսակցության ղեկավար Գագիկ Ծառուկյանի նկատմամբ տեղի ունեցողը քաղաքական վենդետա է։ Այս մասին Գագիկ Ծառուկյանի և այլ քաղաքական բանտարկյալների աջակցության հասարակական խորհրդի առաջին ճեպազրույցի ժամանակ հայտարարել է ԲՀԿ ներկայացուցիչ Իվետա Տոնոյանը:
Իվետա Տոնոյանը հիշեցրել է, թե ինչպես է ստեղծվել Խորհուրդը. սկզբում՝ ի աջակցություն կալանավորված Ծառուկյանի, սակայն հենց հաջորդ օրը, անձամբ Ծառուկյանի կոչով, ընդլայնել է իր գործունեության ոլորտը՝ ընդգրկելով այլ քաղաքական բանտարկյալների և Բաքվում գտնվող Լեռնային Ղարաբաղի ղեկավարներին։ Գագիկ Ծառուկյանի և այլ քաղաքական բանտարկյալների աջակցության հասարակական խորհուրդը կազմված է ամենատարբեր ոլորտների շուրջ 6 տասնյակ ներկայացուցիչներից։
«Բոլորն էլ հասկանում են, որ կալանավորված, կալանավորվող և կալանավորվելիք բոլոր ընդդիմադիր քաղաքական գործիչների գործերում իրավական բաղադրիչը զրոյական է, և առկա է միայն քաղաքական վրեժխնդրություն», — հայտարարեց Տոնոյանը՝ հավելելով, որ վաղ թե ուշ բոլոր մեղավորները պատժվելու են, իսկ նրա պատվին, արժանապատվությանն ու բիզնեսին հասցված վնասը փոխհատուցվելու է։
Մանրամասն՝ տեսանյութում։
