Մոլդովայի վարչապետ Ալեքսանդր Մունտյանուն հրաժարական է տվել՝ նշելով, որ չի կարող շարունակել աշխատանքը՝ իր սկզբունքներին և համոզմունքներին համապատասխան։ Այս մասին նա հայտնել է իր ֆեյսբուքյան էջում։

«Այսօր ես ավարտում եմ վարչապետի պաշտոնում իմ ժամկետը։

Այն պահին, երբ հասկացա, որ այլևս չեմ կարող իրականացնել իմ մանդատը՝ իմ սկզբունքներին և համոզմունքներին համապատասխան, ես որոշում կայացրեցի հեռանալ», — գրել է Մունտյանուն։

Նա շնորհակալություն է հայտնել գործընկերներին և հավաստիացրել, որ կշարունակի ծառայել երկրին՝ անկախ զբաղեցրած պաշտոնից, բնակության վայրից կամ կատարվող պարտականություններից՝ լինի դա պետական, թե մասնավոր հատվածում։

Ալեքսանդր Մունտյանուն վարչապետի պաշտոնում հաստատվել էր 2025 թվականի հոկտեմբերին։