ՀՀ Սահմանադրական դատարանում մեկնարկել է հունիսի 7-ի խորհրդարանական ընտրությունների արդյունքները վիճարկող դիմումների քննությունը։
«Տեղամասերում առկա ստորագրված ցուցակներում արձանագրվել են անհամապատասխանություններ։ Խոսքը այնպիսի փաստերի մասին է, որոնք չեն կարող անտեսվել որպես տեխնիկական կամ երկրորդական խնդիր։ Եթե առաջանում է հիմնավոր կասկած, ապա պետության պարտականությունն է ոչ թե այդ կասկածը շրջանցելը, այլ այն փարատելը։ Ընտրական գործընթացում կասկածը չի կարող մնալ քաղաքացու կամ քաղաքական ուժի վրա։ Մենք արձանագրել ենք ավելի քան 27 000-ով պակաս ստորագրություն, քան ընտրողների թիվն է»,- ՍԴ իր ելույթում նշեց «Հայաստան» դաշինքի փաստաբան Հովհաննես Խուդոյանը։
Հիշեցնենք, որ ՍԴ դիմել էին ընտրությանը մասնակցող 18 քաղաքական ուժերից 7-ը՝ «Ուժեղ Հայաստան» և «Հայաստան» կուսակցությունների դաշինքները, «Բարգավաճ Հայաստան», «Միասնության թևեր», «Դեմոկրատիա Օրենք Կարգապահություն», «Հանուն Հանրապետության ժողովրդավարության պաշտպանների դաշինք» և «Նոր ուժ» կուսակցությունները։
Մանրամասն՝ տեսանյութում։
