«Դեռևս 2018 թվականին, երբ որ այդ ծավալով գործը ներկայացվեց, հասկանալի էր, որ դա պրոցեսը ձգելու միտում ունի։ Որովհետև եթե նույն ստորաբաժանումից, օրինակ, 200 զինծառայողի բերում ես, հարցաքննում ես, իրենք դատարանում որևէ նոր, պրոդուկտիվ բան չեն ասել։ Ընդամենը ստորաբաժանման հրամանատարի կամ ոստիկանական վաշտի հրամանատարի ցուցմունքը բավարար է։
Ակնհայտ էր, որ իրենք նախնական փուլում հասել էին նախագահի կալանավորմանը։ Այն ժամանակ դատավարական ժամկետների սահմանափակում չկար, և նույնիսկ գործը չավարտած, մեղքը չապացուցած՝ հնարավոր էր լինելու տարիներով պահել կալանքի տակ։ Եվ այդքան մասնակցի ներգրավումը հենց այդ թաքնված շարժառիթն ուներ՝ գործ ուղարկել դատարան, կալանքը պահել և վկաների առկայության պատրվակով հնարավորինս երկար ձգել։
Իհարկե, դա տևեց շուրջ երկու-երեք տարի, մինչև որ այդ հոդվածը ճանաչվեց հակասահմանադրական, ինչը ամենաառաջին օրվանից ասվում էր։
Հակառակ պարագայում, էլի եմ ասել նախորդ ասուլիսին, իրենք չէին կարողանալու կալանքի գնալ, որովհետև որևէ այլ տեսակի մեղադրանք առաջադրելուց բացի, հակասահմանադրական հոդվածից, իրենք չէին կարողանալու կալանքի վերաբերյալ դատական որոշում ստանալ։
Եվ ամբողջ այդ իրավական պրոցեսը՝ իր բոլոր թերություններով, իր չպատճառաբանվածությամբ ու այդ իրավական աղբը, որ բերել, լցվել էր դատարան, միակ նպատակը դա էր՝ հնարավորինս երկար պահել ազատազրկման մեջ։
Նույն պրոցեսը՝ այլ ձևակերպումներով, այլ մեղադրանքի տեսքով, մենք դիտարկում ենք նաև հիմա»,- այս մասին հրավիրված ասուլիսում ասաց փաստաբան Հովհաննես Խուդոյանը։
Մանրամասն՝ տեսանյութում։
