«Ես օրինակ բերեմ Հայաստանի Հանրապետության 2017 թվականի խորհրդարանական ընտրությունները՝ Հանրապետական կուսակցության համոզիչ հաղթանակը. հիշո՞ւմ եք՝ մոտ ինը ամիս անց հեղափոխություն՝ թավշյա, թե ոչ թավշյա, դա արդեն երկրորդ հարցն է, իշխանափոխություն եղավ: Հնարավոր է դա, տեսական բաներ չեմ ասում։ Պատմական օրինակներ բերեմ․ օրինակ՝ Թունիս, 2010 թվական, Բեն Ալին 90% ձայներով ընտրվում է Թունիսի նախագահ. ուղիղ 12 ամիս հետո՝ հեղափոխություն, և Բեն Ալին փախնում է Սաուդյան Արաբիա, հետո՝ ավելի ուշ, տարիներ հետո մահանում է այնտեղ: Հնարավո՞ր է. հնարավոր է: Ուղղակի այդ վիճակը պետք է զարգացնել, որոշ հանգամանքներ պետք է իրար հանդիպեն կոպիտ ասած: Թունիսում դա եղավ, եթե չեմ սխալվում, հացի թանկացումով և այլն, և այլն: Բավական այլ պրոցեսներ կար, բայց հասունացած մի բան կար, որը պայթեց: Եվ երբ ռեժիմը ունի բռնապետական հակումներ, դժվար է գնահատել մարդկանց իրական տրամադրությունը»,- այս մասին հարցազրույցում ասաց «Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանը։

Մանրամասն՝ տեսանյութում։