«Հայաստան» դաշինքի պատգամավորի թեկնածու Քրիստինե Վարդանյանը ներկայացրել է, թե ընդդիմադիր ուժերն ինչ քննարկումներ են անցկացնում միասին.
«Մեզ համար շատ կարևոր է իմանալ վերջնական պատկերը, հասկանալ, թե մասնավորապես, «Բարգավաճ Հայաստան« կուսակցությունը հաղթահարե՞լ է անցողիկ շեմը, թե՞ ոչ։ Դրանով նաև որոշակի հստակություն կլինի հետագա գործողություններում»։
Քրիստինե Վարդանյանը նաև հայտնել է, որ ծավալուն, հիմնավոր դիմում են պատրաստում ՍԴ դիմելու համար։ Քննարկում են նաև մանդատները վերցնել-չվերցնելու հարցը։
«Խորհրդարանում ներկայացվածության թեմայով ընդդիմադիր դաշտում ընթանում են քննարկումներ, և դա շատ բնական է, որովհետև կարծում ենք, որ արդյունավետության տեսակետից այդ որոշումը պետք է լինի միասնական ընդդիմադիր դաշտի որոշում»։
