«Հրապարակ»-ը գրում է, որ Արցախի թեմի առաջնորդ Վրթանես եպիսկոպոս Աբրահամյանը «անհետացել է ռադարներից», արցախցիները նրա մասին տեղեկություն չունեն։ Ըստ թերթի, նա դադարել է այցելել Երեւանում իր գլխավորած թեմի առաջնորդանիստը, քանի որ այնտեղ թեմական խորհրդի եւ աշխատակազմի համար անցանկալի հյուր է։
Նշվում է, որ Արցախին վերաբերող ծիսակարգերի համար արցախցիները դիմում են Դադիվանքի հոգեւոր առաջնորդ, ներկայում Եռաբլուր պանթեոնի եկեղեցու սպասավոր Տեր Հովհաննեսին։ Թերթի տեղեկացմամբ, Վեհափառին ուղղված դիմումը՝ Վրթանես եպիսկոպոսին կարգալույծ անել կամ պաշտոնից ազատել եւ տեղապահ նշանակել, մնացել է անարձագանք։
«Հրապարակ»-ի փոխանցմամբ, թեմի անդամների տպավորությամբ Վեհափառը չի ցանկանում սրել իրավիճակը՝ հաշվի առնելով Մասյացոտնի թեմում տիրող վիճակը, որտեղ, ըստ թերթի, կարգալույծ արված Գեւորգ Սարոյանը իշխանական աջակցությամբ խառնակչությամբ է զբաղվում եւ անգամ ֆինանսներն է տնօրինում։
