Երկու հիմնական ուղերձ ունենք․ առաջինը՝ ներհաստանյան, ներքին քաղաքականությանը առնչվող, և երկրորդը՝ արտաքին քաղաքականությանն առնչվող, իսկ ավելի կոնկրետ՝ ադրբեջանական քաղաքականության դեմ։ Այս մասին Եվրոպական քաղաքական համայնքի 8-րդ գագաթնաժողովին զուգահեռ «Հայաստան» դաշինքի նախաձեռնությամբ իրականացվող բողոքի ակցիայի ժամանակ ասաց ԱԺ «Հայաստան» խմբակցության պատգամավոր Աղվան Վարդանյանը։
«Մենք կոչ ենք անելու եվրոպացի բարձրաստիճան պաշտոնյաներին աչք չփակել Հայաստանում ժողովրդավարության հետընթացին, և արդեն անթաքույց միահեծան բռնակալության հաստատմանը։ Հայաստանում մենք այսօր ունենք տասնյակ քաղբանտարկյալներ, շինծու գործերով մարդկանց դատում են, անտրամաբանական մեղադրանքներով մարդկանց դեմ քրեական գործեր են հարուցում և որպես խափանման միջոց ընտրում են կալանքը, այսինքն զրկում են ազատությունից, իսկ իշխանության հետ կապ ունեցող անձանց կամ պետական համակարգում ծառայած անձանց ծանր հանցագործությունները մնում են․․․ մարդկանց դեմ քրեական գործ են հարուցում, բայց որևէ հետևվանք չկա, մասնավորապես Սոնա Մնացականյանին մահացու վրաերթի ենթարկած վարորդի դեպքը»,- նշեց նա։
Մանրամասն՝ տեսանյութում։
