Երեւանի ու Անկարայի միջեւ «սեւ կատու՞» է անցել. Հակոբ Բադալյան

22 Ապրիլի, 2026

Հայաստանի ԱԽ քարտուղար Արմեն Գրիգորյանը միջազգային համաժողովի շրջանակում հանդիպել է Թուրքիայի նախկին նախագահ Գյուլի հետ: Թե ինչով է պայմանավորված եղել հանդիպումը, չի նշվում: Այս մասին գրել է քաղաքական մեկնաբան Հակոբ Բադալյանը։

«Բացառված չէ, որ Երեւանը փորձում է Գյուլին համոզել, որ վերջիինս օգնի հայ-թուրքական հարցում Անկարայի որոշակի քայլերի: Համենայն դեպս, հատկանշական է, որ ԱԺ նախագահն էլ զուգահեռ հայտարարում է, թե Ադրբեջանն է խանգարում հայ-թուրքական գործընթացին:

Ստացվում է՝ Ադրբեջանը խանգարում է, իսկ Գյուլը կօգնի՞: Սակայն Գրիգորյան-Գյուլ հանդիպման հանգամանքը ունի մեկ այլ խորհրդանշականություն: Գրիգորյանը այն մարդկանց շարքում էր, որոնք քննադատում էին Սերժ Սարգսյանին, երբ նա 2008 թվականին սկսեց հայ-թուրքական ֆուտբոլային դիվանագիտությունն ու Գյուլին հրավիրեց Հայաստան: Այդ քննադատության առիթներից մեկն էլ այն էր, որ Սերժ Սարգսյանը Գյուլին Երեւանում խնդրել էր աջակցել արցախյան խաղաղ կարգավորմանը:

Դե, Արմեն Գրիգորյանն այն ժամանակ «հող հանձնողին հանձնենք հողին»-ական էր: Ընդամենը երկու-երեք օր առաջ էլ Գրիգորյանը իրազեկել էր հանրությանը, թե վերջապես հրատարակել է հեղափոխության մասին իր գիրքը, որը՝ իր իսկ խոսքով, «Սերժին մերժելու» պրոցեսի անձնական փորձառության մասին է:

Փաստորեն, «Սերժին մերժելուց» մինչեւ Գյուլին «ընդունելը» մեկ քայլ է:

Հարկ է նկատել, որ Գյուլն ու Էրդողանը լինելով դաշնակիցներ, հետագայում այսպես ասած հայտնվեցին հակադիր պատկերացումների դաշտում: Էրդողանը բնականաբար սկսեց կենտրոնացնել իշխանությունը իր ձեռքում, իսկ Գյուլը մնաց դուրս եւ անկարող եղավ առաջ տանել առավել ապակենտրոն համակարգի իր պատկերացումը:

Այս իմաստով իհարկե առավել ուշագրավ է, թե ո՞րն է Գյուլի հետ Գրիգորյանի հանդիպման իմաստը: Դեմա՞րշ է Էրդողանի դեմ: Եթե այո, ապա չե՞ն վախենում: Չէ՞ որ հենց իրենք են հանրությանը վախեցնում պատերազմով:

Թե՞ Հայաստանի իշխանությունը վախենում է Ալիեւից, բայց ոչ Էրդողանից: Բոլոր դեպքերում, Գրիգորյան-Գյուլ այդ հանդիպումը, որ կայացել է Դելֆիի տնտեսական ֆորումի շրջանակում, ուշագրավ է հատկապես այն ֆոնին, որ Երեւանը փաստորեն վարչապետ եւ ԱԳ նախարարի մակարդակով «արհամարեց» Անթալիայի դիվանագիտական ֆորումը, այնտեղ չկար անգամ հայ-թուրքական կարգավորման գործընթացի հատուկ բանագնաց Ռուբինյանը, եւ Երեւանը ներկայացված էր լոկ փոխարտգործնախարար Կոստանյանի մակարդակով:

Երեւանի ու Անկարայի միջեւ «սեւ կատու՞» է անցել»,-գրել է նա։

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...