Իսրայելական բանակի հարվածները Լիբանանի տարածքին սպառնում են խափանել ԱՄՆ-ի և Իրանի միջև հրադադարը։ Այս մասին հայտարարել Է ՄԱԿ-ի գլխավոր քարտուղար Անտոնիու Գուտերեշը։
«Գլխավոր քարտուղարը խստորեն դատապարտում է ապրիլի 8-ին Իսրայելի կողմից իրականացված զանգվածային հարվածները, որոնց հետևանքով զոհվել և վիրավորվել են հարյուրավոր խաղաղ բնակիչներ, այդ թվում՝ երեխաներ, և վնասվել են քաղաքացիական ենթակառուցվածքներ։ Գլխավոր քարտուղարը դատապարտում է քաղաքացիական անձանց կորուստները և խորապես մտահոգված է քաղաքացիական զոհերի թվի աճով։ Իրանի և Միացյալ Նահանգների միջև հայտարարված հրադադարի ֆոնին Լիբանանում շարունակվող ռազմական գործողությունները լուրջ սպառնալիք են ներկայացնում այդ հրադադարի և տարածաշրջանում կայուն և համապարփակ խաղաղության հասնելու ջանքերի համար։
Գլխավոր քարտուղարը վերահաստատում է բոլոր կողմերին ուղղված իր կոչը՝ անհապաղ դադարեցնել ռազմական գործողությունները», — ասվում է ՄԱԿ-ի պաշտոնական ներկայացուցիչ Ստեֆան Դյուժարիկի գրավոր հայտարարության մեջ։
