Աշտարակում «Հայաստան» դաշինքի՝ քաղաքացիների հետ հանդիպման ժամանակ քաղաքացիներից մեկը խոսեց հանրակրթական հիմնական առարկայացանկից «Հայ եկեղեցու պատմություն» առարկան դուրս հանելուն և հույս հայտնեց, որ Ռոբերտ Քոչարյանի ընտրվելու պարագայում առարկան կվերականգնվի։ Այնուհետև հիշեց, որ երբ Ռոբերտ Քոչարյանը 1997 թվականին նշանակվեց վարչապետ, դպրոցներում ձևավորվել էր աշխատավարձային պարտք՝ ութ ամսվա, որը Ռոբերտ Քոչարյանը կարողացավ կարճ ժամանակում փակել, այնուհետև բարձրացնել աշխատավարձը: Այնուհետև խոսեց դպրոցների փակման ծրագրից, որը սպառնումէ ՀՀ բազմաթիվ համայնքներին։ Նա նշեց, որ 2026 թվականի սեպտեմբերի 1-ին 230 դպրոց փակվելու է, որից 24-ը՝ Արագածոտնի մարզում և վստահություն հայտնեց, որ Ռոբերտ Քոչարյանը կընտրվի և ծրագիրը կչեղարկի
«Այդ դպրոցների փակման ծրագիրը վերանայվելու է անկասկած: Անկասկած: Արդեն հնչեցվեց, թե ինչքան դպրոցներ են կառուցվել իմ նախագահության որոք, բայց երբեք մտքներովս չէր անցնում, որ դպրոցը կառուցում ենք նրա համար, որ մի դպրոց կառուցենք՝ չորսը փակենք։ Այդպիսի բան չենք արել»,- պատասխանեց Ռոբերտ Քոչարյանը։
«Դուք հիշեցիք, որ մեծ պարտքեր կային․ ճիշտ է, և 10 տարիների ընթացքում ուսուցիչների աշխատավարձը իսկապես բարձրացրել ենք վեցապատիկ: Այն ժամանակ նույնիսկ ոմտքովս չէր անցնում, որ անընդհատ պիտի դրա մասին խոսենք: Չէինք խոսում, որովհետև կառավարությունն է՞լ ինչի համար է։ Ինչի՞ համար է կառավարությունը․ որ ժողովրդի կենսամակարդակը բարելավի։ Եվ եթե կառավարությունը որպես չգիտեմ ինչ է համարում, որ աշխատավարձը մի քիչ կամ թոշակը բարձրացրեց և դրա մասին օր ու գիշեր տանն անգամ «ռազետկան» միացնես դրա մասին պիտի խոսի, այսօրվա ոճն է։ Մենք այդպես չէինք անում։
Երբ մի փոքր բան անողն այդ մասին խոսում է, տատիս եմ հիշում։ Մենք սեփական հայաթ ունեինք, և հավ էր պահում։ Մի հավ կար․ որ ձու էր ածում, էնքան աղմուկ էր հանում, տատս միշտ ասում էր՝ «ա ձենդ կտրի, եղածը ի՞նչ ա, մի հատ ձու ես ածել, էլի։ Հիմա կչկչան հավ է դառել այս կառավարությունը»,- ասաց «Հայաստան» դաշինքի առաջնորդը։
Հարցուպատասխանը՝ տեսանյութում։
