Ամեն տեղ, ամբողջ աշխարհով, գրեթե ամեն տեղ այս խնդիրը կա, որ ընտրություններին հիմնականում մասնակցում են մեծահասակ մարդիկ։ Այս մասին այսօր՝ մարտի 7-ին, «Բեկում» համաերիտասարդական ֆորումի ժամանակ ասաց ԱԺ «Հայաստան» խմբակցության պատգամավոր Լևոն Քոչարյանը։
«Սա բերում է նրան, որ քաղաքական ուժերը, ովքեր մասնակցում են ընտրությունների, նկատի ունենալով սա՝ փորձում են ավելի շատ բավարարել տարեց մարդկանց պահանջները, և սա երիտասարդությանը դնում է ոչ շահեկան վիճակում:
Այս բալանսը վերականգնելու համար անելիք ունեն իհարկե երիտասարդները։
Ի՞նչ է պետք է անել, պետք է խոսել դուք ձեր հերթին, ձեր ընկերների շրջապատի հետ, մենք մեր հերթին փորձենք ճիշտ բացատրել, թե ինչու է կարևոր մասնակցել ընտրություններին։ Առաջին հերթին այդ ձայնը տեղ հասցնելու, ստիպելու, որ նաև քաղաքական ուժերը հաշվի առնեն երիտասարդների խնդիրները, երիտասարդների պահանջները։ Ակտիվությունն է։ Եթե դու ինքդ չես պայքարում քո իրավունքների համար, պետք չէ հույս ունենալ, որ ուրիշն է անելու, առաջին հերթին պետք է հույսդ դնես քո վրա, և ընդհանուր հավաքական երիտասարդությունը սա իսկապես պետք է հասկանա։ Պետք է մասնակցել, պետք է այնուհետև պահանջատեր լինել, որպեսզի իրենց տված խոստումները իրականացնեն»,- նշեց նա։
Մանրամասն՝ տեսանյութում։
