Փաստորեն, 2025 թվականի ընթացքում ավարտին է հասցվել 890 վարույթ, որոնցից 617-ը կարճվել է։ Այս մասին այսօր՝ մարտի 5-ին, հայտարարեց ԱԺ «Հայաստան» խմբակցության պատգամավոր Աննա Գրիգորյանը։
«Հարուցված գործերի բացարձակ մեծամասնությունը ուղղակի կարճվել են, այսինքն այն ժամանակահատվածում, երբ քրեական գործերը այսպես հարուցվում են, հետո հրապարակայնացվում են, այսպես մեծ միֆեր են կառուցվում, դրանից հետո բացարձակ մեծամասնությունը հենց այդ փուլում կարճվում է։ Դուք նույնիսկ ստատիստիկան չունեք, պարոն Նահապետյան, թե ինչ վախճան են ունենում այդ գործերը, երբ հասնում են դատարան: Սա շատ ցավոք մտահոգիչ արձանագրումներ են: Հաջորդ հանգամանքը, որ ես ուզում եմ առանձնացնել, ուրեմն պարզվում է, սիրելի հայրենակիցներ, որ այդքան ասում են՝ թալանածը վերադարձնում ենք, թալանածը վերադարձնում ենք, պարզվում է 2025 թվականին պետությանը վերադարձվել է 1 միլիարդ 600 միլիոն ՀՀ դրամ: Առավոտից երեկո խոսում ենք թալանի վերադարձի մասին: Մինչ միայն 2025 թվականին կառավարությունը 3 միլիարդից ավել պարգևավճար է ստացել։ Իսկ այսպես կոչված թալանից վերադարձվել է ընդամենը միլիարդ 600-ը: Այսինքն միլիարդ 600 ստացել են, երկու անգամ ավել միայն կառավարությունը պարգևավճար է ստացել»,- ասաց նա:
Մանրամասն՝ տեսանյութում։
