Նիկոլ Փաշինյանի որոշումը՝ ընտրությունների նախաշեմին, այն է՝ ապրիլի 1-ից, թոշակներն ու նպաստները բարձրացնելու վերաբերյալ, բյուջեի համար 2026 թ-ին հավելյալ 60 մլրդ դրամ կարժենա։ Այս թիվը «Փաստինֆո»-ին հայտնել է ՀՀ ֆինանսների նախարարի մամլո խոսնակ Ինգա Գալստյանը՝ նշելով, որ 2026 թվականին թոշակների և նպաստների բարձրացման համար նախատեսված է հավելյալ 60 միլիարդ դրամ հատկացնել։
«Երկու հիմնական աղբյուր ունենք, մեկը մեր պահուստային ֆոնդերն են, և մյուսը, քանի որ 2025 թվականի հարկերի կատարողականը արդեն ճշգրտվել է, 2026 թվականի բյուջեն»,- նշել է խոսնակը՝ ավելացնելով, որ բյուջեն ձեւավորելիս 2025-ի հարկերի կատարողականի սպասումը ավելի ցածր էր, քան հիմա։ Կճշգրտվեն նաև 2026 թվականի հարկային մուտքերը, հավելյալ եկամուտ ենք ունենալու։ Այդ երկու աղբյուրներից էլ այդ ֆինանսավորումը կարվի»,-հայտնեց Գալստյանը։
